Казанның Гарифьянов урамындагы йортларның берсендә ике яшь кыз сөрем газы белән агуланган.
«Татар-информ»га билгеле булганча, алар җиңел дәрәҗәдә агуланган. Кызлар хастаханәгә ятудан баш тарткан.
Белгечләр ачыклаганча, әлеге хәлнең сәбәбе вентиляция каналында тарту көче булмау белән бәйле.
Бу очрак сөрем газы белән бәйле куркыныч хәлләрне тагын бер кат искә төшерә: вентиляция һәм төтен чыгару системаларының төзек булуы аеруча мөһим.