Казанда Вишневский һәм Калинин урамнары чатында 11 кешене бәрдергәннәр. Бу хакта, ТР Сәламәтлек саклау министрлыгына сылтама белән, «Татар-информ» яза.
Якынча мәгълүматлар буенча, каршэринг машинасы тукталыш белән автобус арасына барып кергән. Ул вакытта автобустан кешеләр чыга торган булган, дип яза «Mash Iptash» телеграм каналы.
Авариядә барлыгы 11 кеше зыян күргән. 9 кешене төрле диагнозлар белән хастаханәгә алып киткәннәр, калганнарына хастаханәгә бару таләп ителмәгән.
Урында «ашыгыч ярдәм» һәм полиция эшли.
