Казанда хоккей матчы вакытында үсмерләр күмәкләп сугышкан
Казанның «Ракета» командасы хоккейчылары Кировның «Родина» командасы спортчылары белән талашкан.
Дәрвишләр бистәсендә яшүсмерләр арасында туплы хоккей буенча турнирда җәнҗал чыккан. Казанның «Ракета-2004» һәм Кировның «Родина» командаларында уйнаучылар күмәкләп сугышкан.
«Бу спорт конфликты иде. Матч беткәч, егетләр гафу үтендә, төрле хәлләр була бит. Судьялар үзләрен дөрес тотты. Алар уенны туктатты, малайларны аера башладылар. Бу принципиаль уен», — дип аңлатты «Ракета» спорт мәктәбе директоры Виктор Андреев.
Андреев сүзләренчә, спортчылар да, аларның әти-әнисе дә турнирны оештырудан канәгать калган. «Барысы да канәгать, алар тагын бирегә килергә тели. Бездә балалар өчен турнирлар күптән булганы юк иде, киләчәктә дә дәвам итәргә телибез», — диде ул.
Турнирда Казанның «Ракета-2004» һәм «Ракета-2005», Ульяновскиның «СДЮШОР-Волга», Кировның «Родина» һәм Новокуйбышескидан «Нефтяник» командалары катнашты. «СДЮШОР-Волга» беренече урын, «Нефтяник» икенче, «Родина» өченче урын яулады.