Казанда яшәүче 35 яшьлек ир-ат, шау-шулы һәм начар тәртибенә карата күпсанлы шикаятьләрдән соң, фатирыннан мәхрүм калган. Күршеләре аның фатирыннан көндез дә, төнлә дә гел кычкырышулар ишетелү турында хәбәр иткән. Бу хакта РЕН ТВ сайты яза.
Фатир хуҗасы кунаклары белән бергә йортта тәрәзәләрне ваткан һәм керә торган ишекне җимергән. Шулай ук, йортта яшәүчеләр сөйләгәнчә, фатирдан газ исе килгән, еш кына су аккан һәм исерек килеш кычкырышулар булган. Район администрациясе күршеләрнең хокукларын саклау турында берничә мәртәбә язма кисәтү биргән, әмма фатир хуҗасына бу – берничек тә тәэсир итмәгән.
«Ул фатирында да, урамда да, подъезда да кычкырды. Төнлә дә, төнлә бу – бөтенләй кыргый концертлар була иде. Бу – фатир да, торак та түгел, ә притон», – дип зарланган күршесе Лариса.
Бу фатир хуҗасы 5 ел буе күршеләренең сабырлыгын сынаган. Шулай да, прокуратура суд аша ир-атның милеккә хокукларын туктатуга ирешкән. Ир-атның фатиры сатылачак. Суды чыгымнары тулысынча түләнеп беткәч, калган акчаны фатирның элекке хуҗасына тапшырачаклар.
