Казанның Яраткан урамында «ГАЗель» йөртүчесе 22 яшьлек кызны бәрдергән мизгелнең видеосы чыкты. Бу хакта «Татар-информ» яза.
Йөртүче артка таба барганда кызны күрмәгән. Җәяүле исә кагыйдәләрне бозган һәм янәшәдә генә тротуар булса да, юлның машиналар йөри торган өлешеннән барган.
Зыян күрүчене «ГАЗель» астыннан чыгару өчен кран кулланырга туры килгән. Кыз имгәнгән һәм аны хастаханәгә алып киткәннәр.
