видеодан скриншот
Узган төндә Казанда гаилә низагы фаҗига белән тәмамланган. Биредә исерек әти улын чәнчеп үтергән. Бу турыда «Татарстан 24» каналы хәбәр итте.
Короленко урамындагы йортта, якынча белешмә буенча, ир-атлар хәмер эчеп утыра. Аннары талаша башлыйлар. Талаш сугышка әверелә. Әти кеше кулына пычак ала һәм улына суга.
Күршеләре сүзләренчә, ир-атлар икесе дә еш эчә, сугышалар. Ләкин бу гаилә башта бик зыялы була, әниләре үлгәч кенә бар да үзгәрә. 5 ел буена ир-атлар акылга килә алмый, ди күршеләр.
Ләкин улын үтергән ир-атның атасы күршеләре сүзләрен кире кага, барысы да улы аркасында килеп чыкты, ди. Улы атасын яратмый, еш кына атасын кыйный, шуңа күрә бу очрак үз-үзеңне яклау була. Урында тикшерүчеләр эшли, диелә хәбәрдә.