Казанда Горький шоссесында урнашкан торак йортның җиденче катыннан егылып төшү нәтиҗәсендә 20 яшьлек студент гомере өзелгән. Фаҗиганең сәбәпләре ачыклана, аның үлем алдыннан язып калдырган хаты табылмаган. Бу хакта «Происшествия Татарстан» телеграм-каналы яза.
Мәгълүматлар буенча, 20 яшьлек яшь егет торак йортның җиденче катындагы фатир тәрәзәсеннән егылып төшкән. Алган җәрәхәтләрдән ул урында ук җан биргән. Хәзерге вакытта хокук саклау органнары булган хәлнең шартларын һәм сәбәпләрен ачыклый.
