Казанда Крылов урамында автобуслар өчен аерым бокста янгын булган. Бу турыда Гадәттән тыш хәлләр министрлыгы телеграм-каналында хәбәр ителә.
ПАТП-2 оешмасының 60 автобус өчен ясалган боксында янгында 5 автобуска зыян килгән. Автотранспорт предприятиесе хезмәткәрләре 55 автобусны чыгарган.
Урынга килгән янгын сүндерүчеләр утны ярты сәгатьтә бетергән. Янгын мәйданы 60 квадрат метр булган. 5 автобус янган, диелә хәбәрдә.
Якынча белешмә буенча, янгын транспорт чарасының системалары һәм механизмнары төзексезлеге аркасында чыккан.
