Казанда билгеле табиб Бангладешта командировка вакытында үлгән
Табиб Рәшит Миңнетдинов чит илдә чакта авырый башлый һәм аны хастаханәгә салалар.
Казанда билгеле табиб Рәшит Миңнетдинов Бангладеш Республикасында вафат булган. Бу мәгълүматны «Татар-информ» агентлыгы хәбәрчесенә мәрхүмнең улы Марат Миңнетдинов раслады.
«Әтинең үпкәсенең ике ягында да пневмония иде. Аның коронавируска тестлары тискәре нәтиҗә күрсәтте, тик ул барыбер ковидлы авыру булып саналды», — ди Марат Миңнетдинов.
Табиб Бангладешта командировкада була. Узган дүшәмбедә кәефе китә һәм аны хастаханәгә салалар.
«Аны шунда ук үпкәләрне ясалма җилләтү (ИВЛ) аппаратына тоташтырдылар», — ди табибның улы.
Рәшит Миңнетдиновның гомере өчен табиблар бер атна тырыша. Ләкин ул кичә үлә. Мәрхүмгә 66 яшь була.