Казанда бер кызның башын карга чукып яралаган, икенчесенә ике карга ташланган - видео
Карга чукыган кызны хастаханәгә озатканнар, хәзер аңа котыру авыруыннан укол кадыйлар.
Казанның Латыш укчылары һәм Зәкиев урамнарында агрессив каргалар кешеләргә һөҗүм иткән очраклар теркәлгән. Бу турыда Татарстан-24 телеканалы хәбәр итте.
Латыш укчылары урамындагы 11 йорт янында бер кызга карга һөҗүм итә. Аның анасы сүзләренчә, карга томшыгы белән кызның башын чукый. Кызны хастаханәгә озатканнар. Аңа котыру авыруыннан алты укол, столбняктан дүрт укол ясаганнар инде. «Алда әле тагын уколлар көтә», — дигән әни кеше.
Зәкиев урамындагы ишегалларның берсендә тротуардан баручы кызга ике карга һөҗүм итүен видеога төшереп алганнар.
Кошларның агресссивлыгының сәбәбе билгеле түгел, диелә бу хәбәрдә.
https://tatarstan24.tv/images/uploads/ckeditor/jpg/60ae44f744d5f_%D1%81%D0%BF%D1%80.jpg