Узган төндә Казанның Горький шоссесында җитди авария булган. Бу турыда «Татар-информ» яза.
Дәүләт автоинспекциясе белешмәсе буенча, төн уртасы тирәсендә «Лада Приора» йөртүчесе дистанция сакламый һәм Toyota Camry машинасына бәрелә.
Авариядә Camry йөртүчесе һәм пассажиры, «Лада» йөртүчесе, аның 3 пассажиры имгәнә.
Аларның барысын да «ашыгыч ярдәм» машиналары медицина оешмаларына илткән, диелә хәбәрдә.