Казанда актер һәм драматург Павел Поляков 36 яшендә вафат булды
Артистның дуслары мәрхүмнең гаиләсенә матди ярдәм җыю игълан итте.
Бүген Казанда 36 яшендә актер һәм драматург Павел Поляков вафат булды. Бу турыда «Живой город» фондын төзүчеләрнең берсе Ирина Яркова Facebook социаль челтәрендәге сәхифәсендә хәбәр итте.
«Безнең дустыбыз, драматург, артист Паша Поляков вафат», — дип язды ул һәм мәрхүмнең гаиләсенә матди ярдәм кирәк булуын хәбәр итте.
Аннары «Угол» иҗат лабораториясенең «ВКонтакте» челтәрендәге сәхифәсендә Поляковлар гаиләсенә ярдәм җыю турында игълан ителде. «Паша бик күп спектакльләрдә уйнады, күп итеп пьесалар язды. Пашаның хатыны һәм балалары ятим калды», диелә бу хәбәрдә.
Павел Поляков «Угол» иҗат лабораториясе һәм «Пакет-театр» белән хезмәттәшлек итә. «Свияжск АРТель» лабораторияләрендә һәм заманча драматургия бәйгеләрендә катнаша.