Казанда 76 яшьлек пенсионер әбине көчләгәннәр һәм үтергәннәр

Канга баткан пенсионер карчык гәүдәсе Казанның Киров районында табылган. Аны урамда, чүп савытлары янында күреп алганнар. Экспертлар әбине үтерер алдыннан көчләгәннәрен ачыклаган. Бу турыда Татарстан-24 сайтында хәбәр ителә. 

Иртәнге 5тә билгесез кеше полициягә шалтыратып, Батыршин урамындагы чүп-чар баклары кырыенда хатын-кыз гәүдәсе ятуын әйткән. Соңрак пенсионерның үлеме төн уртасында булганын ачыклаганнар. Ә иртән аны очраклы узып баручы тапкан.

 Күзәтү камералары язмалары ярдәмендә маршрут кына түгел, шикләнелүченең үзе дә билгеләнелгән. Тоткарланганда, ул җинаятьнең сәбәбен аңлата алмаган. Болардан тыш, ир-атның әлеге районга бернинди катнашы юклыгы һәм аның монда танышлары да булмавы ачыкланган. Ул бары тик «үз эшен» эшләргә килгән, дип фаразлыйлар.

«Эзләү чаралары комплексы нәтиҗәсендә, Казан полициясе хезмәткәрләре Урта Азия республикаларының берсендә туып үскән 32 яшьлек егетне тоткарлады. Әлеге факт буенча җинаять эше кузгатылды», – дип хәбәр итте Казан буенча Эчке эшләр идарәсе матбугат хезмәте башлыгы Рафаэль Сәгъдиев.

Бүгенге көндә тоткарланган кешегә карата берничә экспертиза билгеләнгән. Белгечләр «геронтофилия» диагнозы булырга мөмкин, дип фаразлый. Өстәвенә, әлеге бәндәнең спиртлы эчемлек куллануы ачыкланган.

«Геронтофилия» булган очракта да, садистлык сыйфатлары каян килүе аңлашылмый. Минем уйлавымча, ул карт хатынны ярдәмсез һәм каршы килә алмаган аркасында сайлаган», – дип хәбәр итте КДМУның психиатрия һәм наркология кафедрасы профессоры Ләйлә Шәйдукова.

Әгәр тоткарланган кешенең тайпылышы барлыгы ачыкланса, аңа мәҗбүри дәваланырга туры киләчәк. Ләкин статистика күрсәткәнчә, мондый җинаятьләрдә гаепләнгән ирләрнең күбесе үз аңында дип табылган.

Тулырак – сюжетта.