Казанда 17 яшьлек үсмер тротуардан барган хатын-кызны бәрдереп үтергән
Бүген Казанда 17 яшьлек үсмер егет юл һәлакәте китереп чыгарган. Ул автомобильдә тротуарга килеп кергән һәм бер хатын-кызны бәрдергән. Нәтиҗәдә, җәяүле урында ук үлгән. Балигъ булмаган егетнең машина йөртү хокукы булмаган.
Шуннан соң автомобиль янәшәдә туктап торган машиналарга бәрелә.
Хәзер Дәүләт автомобиль инспекциясе хезмәткәрләре авариянең сәбәпләрен ачыклый.
Видеоларда күренгәнчә, көчле бәрелүдән җәяүленең әйберләре як-якка чәчелгән. Полиция тикшерү уздыра.