Казанда югалган 11 яшьлек кызны эзлиләр. Бу хакта "Татар-информ"га "Лиза Алерт Татарстан" эзләү отряды хәбәр итте.
"Бүген төнлә сәгать өчләр тирәсендә волонтерлар кызны Габдулла Тукай урамы тирәсендә эзли башлады. Кыз шул тирәдә югалган дип фаразлана. Иртәнгә кадәр эзләделәр, хәзергә эзләү операциясе вакытлыча туктатылды. Әлегә бала табылмады. Эзләүдә 50ләп кеше катнаша", - дип сөйләде эзләү операциясе вәкиле Артем Латышев.
Кыз кичә иртән югалган. Аның билгеләре: буе 170 см тирәсе, уртача тазалыкта, күзләре коңгырт, чәчләре көрән төстә. Соры пуховик, җете яшел төстәге башлык, соры төстәсе "дутик" итекләр кигән.
