Кичә иртән Казан янындагы Дубровка бистәсендә 14 яшьлек кыз үз әнисен үтергән. Кыз берничә тапкыр әнисенең муенына һәм корсагына пычак белән кадаган.
«Татар-информ»га билгеле булганча, 40 яшьлек хатын күпсанлы җәрәхәтләрдән урында ук үлгән.
«Үтерү» маддәсе буенча җинаять эше кузгатылган. Кыз барысын да сөйләп биргән.
Кызның гаиләсе имин саналган. Әтисе эшмәкәр, матурлык салоннары челтәренә ия. Кыз Казанның техник югары уку йортларының берсе каршындагы лицейда укый.
