Казан урамында туктап калган автобусны пассажирлар этеп барган — видео
Трамвайларга комачауламасын өчен, автобусны чаттан этеп алып чыкканнар.
Казанда юл уртасында туктап калган автобусны пассажирлар этеп барган. Бу урыннан кадрларны «Татарстан» телеканалы күрсәтте.
Социаль челтәрләрдә таралган видео кадрларыннан күренгәнчә, вакыйга Ямашев проспектында булган. Чатта туктап калган автобус трамвайлар хәрәкәтенә комачауламасын өчен, аны бер төркем кешеләр этеп алып бара. Алар пассажирлар булган дип фаразлана.
Видео янына комментарийлар да язып калдырганнар. «Барысы да карантин аркасында» дип шаярталар.