Казан урамында битлек кигән шәрә ир-ат йөгереп йөргән — видео
Гвардейская урамы буйлап йөргән кешене полициягә алып килгәннәр.
Казанда бер ир-ат шәрә килеш урам буйлап йөгереп йөргән. Ул битлек кенә кигән булган. Шаһитлар бу хәлне видеога төшереп алган.
Кадрлардан күренгәнчә, шәрә ир-ат йөгерә, аның артыннан тагын бер кеше чаба. Бер мизгелдә алар очрашалар һәм сугыша башлыйлар.
«Татар-информ» агентлыгына Россия Эчке эшләр министрлыгының Казан буенча идарәсендә хәбәр иткәнчә, шәрә ир-атны Гвардейская урамында тоткарлаганнар. Аны «Танкодром» полиция бүлегенә китергәннәр. Бу кешегә карата үз-үзеңне изоляцияләү режимын бозган өчен протокол төзегәннәр.