Казан урамына Хәния Фәрхи исеме биреләчәк
Бу хактагы хәбәрне Хәния Фәрхинең кызы Алсу Инстаграмдагы битенә урнаштырган.
Алсу Казан шәһәренең топонимика бүлеге җибәргән хатны үз аккаунтына урнаштырган. Шәһәр башлыгының урынбасары Людмила Андреева имзалаган хатта, Хәния Фәрхинең татар мәдәниятенә керткән зур өлешен исәпкә алып, топонимика буенча комиссиянең банкына кертергә лаек табылганлыгы турында хәбәр ителә. Шул рәвешчә, шәһәр урамнарына исем биргәндә, Хәния Фәрхи исеме дә каралачак.
