видеодан скриншот
8 гыйнварда Татарстан буенча Эчке эшләр министрлыгының ЮХИДИ экипажы М7 трассасында юл кырыена төшеп киткән автобусны күреп ала. Аның авария сигналлары яндырылган була. Бу турыда «Татарстан 24» каналы хәбәр итте.
Автобус йөртүче сүзләренчә, транспорт ватылган. Пассажирлар Чаллыдан Казанга таба бара торган булган. Кешеләр туңган.
Автоинспекторлар аларны узып баручы машиналарга утыртып, кирәкле урынга озаткан. Бу турыда Дәүләт автоинспекциясе хәбәр иткән.
9 гыйнварда автоинспекторлар тагын бер автобус пассажирларына ярдәм итә. Казан – Ульяновск юлының 23нче километрында автобус юл кырыена төшеп киткән. Салонда 15 кеше булган. Бәхеткә, беркем дә зыян күрмәгән. Аларны башка автобуска утырып җибәргәннәр, диелә хәбәрдә.
