Татарстанның Республика клиник онкология диспансеры хирурглары берничә органы алынган хатын-кызның ашкайнатуын торгызган. Табиблар моны кечкенә тишемнәр аша эшләгән. Бу хакта хастаханәнең матбугат хезмәтенә сылтама белән «Татар-информ» яза.
71 яшьлек хатын-кыз табибларга механик сары чире белән эләгә. Тикшеренү ашказаны асты бизендә ике шеш барлыгын күрсәтә – әгъзаның башында һәм тәнендә була. Бизнең бер өлешен саклап калу мөмкин булмый.
Башта табиблар үт юлларын чистарта, сарыны ала, соңыннан дүрт курс химия терапиясе үткәрә. Шуннан соң пациентны операциягә җибәрәләр. Операция биш сәгатьтән артык дәвам итә. Хирурглар ашказаны асты бизен, уникеле эчәкне, талакны һәм ашказаны асты бизен тулысынча ала.
Соңыннан үтнең һәм ризыкның үтүчәнлеген торгызырга кирәк була. Хирурглар моны зур итеп кисмичә, кечкенә тишемнәр аша ясаган.
Операция уңышлы узган, хәзер пациентны хастаханәдән чыгарганнар.