Казан табиблары бер кызның корсагыннан ручкалар, полиэтилен кисәкләре һәм чәчләр алган
Казанда табиблар бер кызның корсагыннан ручкалар, полиэтилен кисәкләре, чәчләр алган. Бу турыда «Татарстан 24» каналы хәбәр итте.
Эче бик каты авырта торган пациентны экстрен медицина үзәгенә китерәләр. 7нче шәһәр хастаханәсе табиблары аңа операция ясый.
Пациентның корсак куышлыгындагы чит предметларны табиблар ала. Нәкъ менә шулар кызның эчәклеге эшчәнлегенә комачаулый.
Якынча белешмә буенча, бу кыз безоар дигән чир белән авырый. Мондый авыру белән чирләүчеләрнең ашказанында эшкәртелмәгән кисәкчекләр җыела, диелә бу хәбәрдә.
