«Казан» салат-коктейле

Кирәкле ингредиентлар: пешкән ит – 120 г, маринадланган кыяр – 50 г, сыр – 80 г, йомырка – 2 данә, майонез, каймак, яшел тәмләткечләр, салат яфрагы, гранат орлыклары.

Эш барышы: Пешкән итне, маринадланган кыярны озынча итеп турыйбыз, сыр һәм пешкән йомырканы эре тишекле угычтан уабыз.

Барысын бергә кушып, өстенә майо­нез һәм каймактан (1:1 исәбеннән) эшләнгән соус салып болгатабыз. Салатны теләгән кеше яшел тәмләткечләр, салат яфрагы яки гранат орлыклары белән дә бизәргә мөмкин.

Рецепт «Татар халык ашлары» китабыннан алынды. Китапны tatkniga.ru сайтында сатып алырга мөмкин.