Казан – Оренбург трассасында хәрәкәт схемасы үзгәрде. Хәзер Сокуры авылына кермичә, әйләнеп уза торган яңа юл бар. Бу турыда «Татар-информ» яза.
«Волго-Вятскуправтодор» матбугат хезмәте хәбәр иткәнчә, Сокуры авылы аша туры юл ябык. Транспорт хәрәкәте Сокуры авылын әйләнеп уза торган ике полосалы – һәр якка берәр полосалы юл аша оештырылган.
Сокуры авылына керү һәм чыгу бары тик Сокуры – Хәерби– Травкино юлыннан транспорт чишелеше буйлап кына мөмкин.