Социаль челтәрләрдә Казандагы мәктәптә түшәм ишелү турында хәбәр чыкканнан соң, Россия Тикшерү комитеты тикшерү башлаган. Бу эшне ведомство башлыгы Александр Бастрыкин үз контроленә алган, дип яза «Татар-информ».
Язмаларда әйтелгәнчә, Казандагы бер мәктәптә түшәм өлешчә ишелгән. Шул сәбәпле, дүртенче сыйныф укучысына җитди булмаган зыян килгән. Бу мәктәптә мондый хәлләрнең элегрәк тә булганын язганнар.
Әлеге хәл Тикшерү комитетының үзәк аппараты контролендә.