Казаннан Карина Абдуллина World Next Top model 2026 Халыкара матурлык конкурсында дөньяның иң чибәр йөзле кызы дип танылды һәм Miss best face-2026 титулын алды. Карина конкурста Татарстан данын яклап катнашты. Бу турыда Бөтендөнья татар конгрессы хәбәр итә.
Финал Бәйрутта узды. Таҗ өчен 30 илдән 60 кыз көрәште. Конкурстагы иң төп титулны шулай ук Россия вәкиле — Мария Исаева алды.
Карина Татарстанның Азнакай районында туган. Былтыр ул Miss Tourism Universe конкурсында дөньяның иң матур ун кызы арасына кергән иде. Шулай ук Карина абруйлы Miss Best Body 2025 титулы иясе, диелә хәбәрдә.