Казан кешесен 8 яшьлек баланы көчләүдә гаеплиләр: ул баланы, песиләр күрсәтәм дип, чормага алып менгән
Татарстанда Тикшерү комитеты 29 яшьлек Адель Ш.га карата җинаять эшен тикшерү төгәлләде.
Тикшерү версиясе буенча, узган елның декабрь аенда бу кеше Побежимова урамында мәктәптән кайтып баручы 8 яшьлек кыз янына килгән. Авызын каплап, баланы подъездга өстерәп алып киткән. Домофонда очраклы кешедән ишекне ачтырган.
Бала белән лифтта 9 нчы катка күтәрелгән. "Чормадан песиләрне коткарабыз", дип әйткән.
Тикшерү комитеты хәбәр иткәнчә, чормада баланы көчләгән, аннан соң өенә озатып куйган. Кайтышлый кызның әнисен дә очраткан, тик тиз генә качып киткән. Бала өйдә әнисенә барысын да сөйләгән. Ана кеше исә тиз арада полициягә мөрәҗәгать иткән.
Икенче көнне полиция хезмәткәрләре бу кешене тоткарлаган.Ул гаебен өлешчә генә таный.