«Казан егетләре» төркеменең элекке солисты Артур Минһаҗев гаиләсендә сөенеч
Җырчының улы, исән-имин армия хезмәтен тәмамлап, өйгә кайткан.
«Казан егетләре» төркемендә җырлаган Татарстанның атказанган артисты Артур Минһаҗев инстаграмда зур сөенече белән уртаклаша. Җырчының улы Данил армиядән кайткан. Эчкерсез мизгелләрнең видеосын да урнаштырганнар.
«Әти-әнинең иң шатлыклы көннәре, бәхетле булыгыз! Күпме йокысыз төннәр бит. Балалары хезмәт иткән кешеләр аңлар мине», «Бу бик зур бәхет инде», «Котлыйм, Артур», — дип, җырчы белән бергә сөенгән инстачылар.
