Казан-Чаллы трассасында пассажир микроавтобусы юл читендә торган машинага бәрелгән: ике кеше һәлак, алты кеше авыр хәлдә
Иртәнге алтылар тирәсендә Казан-Чаллы трассасының 16 нчы чакрымында «Форд Транзит» пассажир микроавтобусы һәм «Валдай» автомобиле бәрелешкән.
Авария нәтиҗәсендә ике кеше шунда ук һәлак булган. Тагын алты кешене Алабуга Үзәк район хастаханәсенә китергәннәр. Зыян күрүчеләрнең икесе бик авыр хәлдә.
Башлангыч фаразларга караганда, «Форд» микроавтобусы шоферы, идарәсен югалтып, юл читендә туктап торган «Валдай» автомобиленә килеп бәрелгән.
Бу турыда «Татар-информ» агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иткәннәр.
Башлангыч фаразларга караганда, «Форд» микроавтобусы шоферы, идарәсен югалтып, юл читендә туктап торган «Валдай» автомобиленә килеп бәрелгән.
Бу турыда «Татар-информ» агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәтеннән хәбәр иткәннәр.