Бүген Казан – Буа – Ульяновск юлында коточкыч авария булган. Биредә 3 машина бәрелешкән. Бу турыда «Татарстан 24» каналы хәбәр итте.
Scania йөк машинасы, Kia Riо җиңел автомобиле һәм «ГАЗель» федераль трассаның 143нче километрында бәрелешә. Фаҗига урыннан кадрлар социаль челтәрләрдә таралган.
Якынча белешмә буенча, Scania йөк машинасы Пермьнән Луганск Халык Республикасына гуманитар йөк илтә бара. Ул алдагы машинаны узар өчен каршы як полосага чыга һәм шунда Kia Riо белән «ГАЗель»гә бәрелә.
Scania эчендә 5 «УАЗ» машинасы була, аларның берсе тулысынча янып беткән. Йөк машинасы үзе дә тулысынча янган. Калган машиналарга, гуманитар йөккә һәм кешеләргә зыян килмәгән. Фаҗига сәбәпләре ачыклана, диелә хәбәрдә.