Казан аэропортыннан кешеләрне эвакуацияләделәр
Билгесез кеше шалтыратып, бомба булуы турында хәбәр итү сәбәпле, аэропорттан кешеләрне эвакуацияләделәр.
Аэропортка барлык экстрен хезмәтләр китерелгән. Аэропорттан барлык кешеләрне тиз арада урамга чыгарганнар. Шаһитлар әйтүенчә, алар урамда ярты сәгать тирәсе торган. Шалтыратуның ялган булуы ачыкланган. Кинелоглар тикшергәч, кешеләрне кире бинага керткәннәр.
Хәзер аэропорт үз режимында эшли.
Мәскәүдән килгән ике самолет пассажирларына, тикшерү эшләре бару сәбәпле, илле минут тирәсе көтәргә туры килгән.
