Кайсы җырчыны «Зыялы айгыр» дип атаганнар?
Җырчы атлар фонында йөгергән фото куйган.
Салават Миңнеханов кызыклы фото куйган һәм иң кызыклы рәсем асты уйлап табучыга 500 сум вәгъдә иткән.
Инстачылар атлар фонында йөгергән җырчы фотосына 300дән артык комментарий калдырган:
«Ләгьнәт купты, дип әйтәләр,
Сары ботинка кигәч.
Тайдан биек сикерерсең,
Гүзәлемә пар килгәч»;
«Башың эшләмәгәч, аягың йөгерә»;
«Модный приговор»дан кайтып килүче көтүче»;
«Эт чаба дип, бет чаба»;
«Авыз ачырга биш минут калды»;
«Озак тордым, атым чапмады, шуннан үзем җил-җил атладым»;
«Тәәәк, бәрәңге утырта башлаганчы тизрәк сызырга кирәк»;
«Мега текә көтүче»;
«Сабантуйларның җитүен зарыгып көтеп торам, йөгерештә җиңәргә дип төрле планнар корам»;
«Зыялы айгыр»;
«Озак торды атым чапмады»;
«Чаптым мин Азнакайга аттан да тизрәк, тик калды бер аягым арттарак,
Куып җиттем дигәндә генә узып китә икенче аяк.
Бирешмим һаман да йөгерәм, чөнки исемем бит минем Салав Ат…»;
Гүзәлем белән Мәдинәкәй янына очып кайтучы Салават».
Җырчыга «Башың эшләмәгәч, аягың йөгерә» дигән комментарий ошаган. "500 сум сезнеке", дип язган ул әлеге рәсем астын уйлап табучыга.