Кайсы токымлы этләр иң куркынычлардан санала?

Россия Эчке эшләр министрлыгы кеше өчен куркыныч булган этләр исемлеген төзеде. Этләрнең бу токымнарын авызлык кидермичә урамда йөртергә ярамый. Бу турыда Норматив-хокукый актлар язылган федераль порталда белешмә чыкты.

Төрле хакимият органнары, Россия кинологлар федерациясе тәкъдимнәрен исәпкә алып төзелгән исемлеккә җитмешләп токым исем язылган. Документка аңлатма язуында әйтелгәнчә, бу этләрдә «агрессия һәм көч сыйфатлары генетик яктан билгеләнгән». Әлеге токымнарны «оскырту өчен файдаланалар».

Исемлектә Австралия кабансыман эте, айну, Америка бульдогы, питбультерьер, стаффордшир терьеры, Аргентина догы, бордос догы, булли кутта, бультерьер, бурбуль, волкособ, доберман, Кавказ овчаркасы, Карелия аю эте, Мәскәү сакчы эте, ротвейлер, Урта Азия овчаркасы һәм башкалар бар. Шулай ук эт белән бүредән ясалган гибридлар да куркыныч исемлеккә кергән.

Эчке эшләр министрлыгы кисәткәнчә, потенциаль куркыныч булган этләрне авызлыксыз һәм бәйсез йөртү тыела. Куркыныч эт махсус койма артында гына авызлыксыз йөри ала. Бу очракта керү юлында кисәтү язмасы булырга тиеш.

Бордос догы