Катлы йомырка тәбәсе
"Ел хатын-кызы. Ел ир-аты: хатын-кыз карашы – 2014» республика бәйгесендә «Хатын-кыз – бизнес-леди» номинациясе җиңүчесе, эшмәкәр ханым Миләүшә Зариповадан катлы йомырка табәсе рецептын тәкъдим итәбез.
Йомырка табәсен катлы итеп ясау өчен таба зурлыгына һәм кеше санына карап йомырка санын билгеләргә кирәк.
Аннары йомырканың агын сарысыннан аерырга, агына бераз тоз салырга һәм миксер белән куерганчы болгатырга.
Табаны майларга, башта сары йомырканы 1-2 минут пешереп алырга, аннары өстенә агын тигезләп җәяргә. Өстен каплап 5 минут пешерергә.
Табынга биргәндә табәне икегә бүлергә һәм бер-берсе өстенә капларга.
Тәмле булсын!
