Катлы камырдан эремчекле рулет рецепты
Эчлек өчен алма повидлосы, кызыл эремчек, вак итеп туралган алма белән дарчин (корица), каты сыр һәм башка яраткан ризыкларыгызны сала аласыз.
Тиз генә чәй янына тәмле ризык әзерләү өчен кибетләрдә сатыла торган чүпрәле һәм чүпрәсез катлы камыр кирәк. Камырны бераз эретергә һәм бик юка итмичә генә җәяргә.
Эчлек өчен 400 грамм эремчек, 100 грамм кибет каймагы, 2 йомырка, чама белән шикәр комы, ванилин кирәк булачак. Ингредиентларның барысын бергә салып, блендер белән бер масса ясарга.
Эчлеккә йөзем җимеше дә өстәргә була. Шулай ук эчлек өчен алма повидлосы, кызыл эремчек, вак итеп туралган алма белән дарчин (корица), каты сыр һәм башка яраткан ризыкларыгызны сала аласыз.
Эчлек артык сыек кебек тоелса, ике аш кашыгы манный ярмасы салырга мөмкин.
Камырның кырыйларын буш калдырып, эчлекне җәяргә, рулет итеп төрергә. Камырның ике башыннан эчлек агып чыкмасын өчен бөреп куярга.
Чәйләрегез тәмле булсын!