Катлы камырдан чәй ашы рецепты
Бу ризыкны гади әче камырдан да ясарга була, мин өйдә ясалган катлы камырдан пешердем.
200 мл җылы сөт, 15 грамм чүпрә салып апара ясарга. Ярты сәгатькә ял итәргә куярга.
Камырны 60 грамм атланмай, 3 аш кашыгы шикәр комы, 0,5 бал кашыгы тоз, 1 аш кашыгы каймак, 100 мл тирәсе җылы су салып басарга. Кабаргач шарчыклар ясарга, уртача җәймә җәяргә. Җәемгә бүлмә температурасында йомшарган атланмайны ягарга, өстенә янә җәймә, янә май. Шундый тәртиптә эшләп бетерергә. Чама белән 180-200 грамм май кирәк булачак.
Камырны 60 грамм атланмай, 3 аш кашыгы шикәр комы, 0,5 бал кашыгы тоз, 1 аш кашыгы каймак, 100 мл тирәсе җылы су салып басарга. Кабаргач шарчыклар ясарга, уртача җәймә җәяргә. Җәемгә бүлмә температурасында йомшарган атланмайны ягарга, өстенә янә җәймә, янә май. Шундый тәртиптә эшләп бетерергә. Чама белән 180-200 грамм май кирәк булачак.
Катлы камырны рулет итеп төрергә һәм 1 сәгатькә суыткычка куярга.
Аннары камыр җәяргә, шикәр комы һәм мәк сибеп янә рулет ясарга. Уртача кисәкләргә бүләргә дә майлы табага тезәргә.
Чәй ашларын кабартырга, йомырка сарысы белән майларга һәм духовкага куярга. Өсте килгәч алырга.
Чәйләрегез тәмле булсын!