«Кат-кат карадым, сокландым» – Ландыш Нигъмәтҗанова яңа гаилә фотоларын күрсәтте

Җырчы Ландыш Нигъмәҗанова һәм Фәрит Таишевлар гаиләсе яңа фотосессия ясаган. Матур көзге фотолар белән алар социаль челтәрләрдә уртаклаша.

Фотограф язуынча, бу съемка Таишевларга бер дә җиңел бирелмәгән. Башта көнен туры китерә алмаганнар. 6 кеше өчен образлар сайлау да тиз булмаган. «Гаилә фотосессиясе – һәрвакыт катлаулы процесс, әмма нәтиҗәсе куанычлы», – дип яза аларның фотографы социаль челтәрләрдә.

Таишевлар гаиләсенең фотолары язылучыларында да соклану хисләре уяткан. «Сезнең гаиләне яратып карыйбыз», «Кат-кат карадым, сокландым. Күңелгә җылы йөгерде», «Җылылык ташып тора бу фотолардан. Бик матур, гармониядә барыгыз да», «Әкияти матур гаилә», – кебек матур сүзләр яудырганнар аларга.