Кассир хатын сейфтан миллионнар урлаганын камералар төшереп торган
30 яшьлек хатынны полиция эзли.
Красноярск өлкәсендәге Ачинск шәһәрендә банктан 15 миллион сум, 49 мең доллар һәм шулкадәр үк евро урлаганнар. Әлеге вакыйга видеога эләккән. Бу турыда «Вести» каналы хәбәр итте.
Офис җитәкчесе полициягә гариза язган.
Полиция белешмәсе буенча, әлеге җинаятьтә банкта эшләүче 30 яшьлек кассир хатын катнашы бар дип шикләнәләр. Урлаудан соң бу хатын югалган. Аның анасы хокук саклаучыларга шул хакта сөйләгән.
Хәзер кассирны эзлиләр. Җинаять эше ачылган. Гаебе исбатланган очракта, ун елга ирегеннән мәхрүм итүләре ихтимал, диелә хәбәрдә.
