Кешеләр олыгая башлагач, кашларның өчтән бер өлеше коелырга мөмкин. Бу королева Анна синдромы дип атала. Аның сәбәпләре төрле, күпчелек очракта калкансыман биз эшчәнлеге белән бәйле була. Бу турыда «Челнинские известия» яза.
Калкансыман биз гормоннары җитешмәсә, йөрәк, ашкайнату системасы эшчәнлеге бозыла, депрессия, төнлә хырылдау һәм башка авырулар барлыкка килергә мөмкин.
Калкансыман биз гормоннарына гади генә анализ һәм эндокринологка мөрәҗәгать итү моның сәбәпләрен ачыкларга ярдәм итә.
Гипотиреоз — бу диагноз шактый еш очрый, аны дәвалау күпчелек очракта уңышлы була. Авыруны тиз арада ачыклау һәм дәвалау хәерле, диелә хәбәрдә.
