«Карны кем яудыра?» Гүзәл Уразова әкият уйлап чыгарган
«Миннән сезгә төнгә минем бала чакта уйлап чыгарган әкият. Тыныч йокылар! Пәп итәм барыгызны да», — дип яза Гүзәл.
Җырчы Гүзәл Уразова урамда буранны күргәч, бала чагында уйлап чыгарган әкиятен искә төшергән. Бу видеоны ул инстаграмдагы сәхифәсенә куйды.
«Без әкият карап өйрәнгән бит. Кар яуса, мин һәрвакыт болай уйлый идем: Кыш бабай, Ходай Тәгалә чыккан да, үзенең ястыкларын селкегән. Шуннан соң безгә кар яуган, дип уйлый идем», — дип сөйли җырчы.
Аннары ул бара, аяк астында кар шыгырдаганы да ишетелә. «Аллаһка шөкер, кар булмас дигән идек, була ул! Үзенекен ала ул. Кар чистарта-чистарта, җан чыгар әле», — ди ул.
Инстачылар бу тарихны ошаткан, бик күп итеп йөрәк, үбү төшерелгән смайликлар тезгәннәр.
