«Карашы ерткыч»: Ландыш Нигъмәтҗанованы чи ит белән төшкән фотосы өчен тәнкыйтьлиләр
Җырчы Ландыш Нигъмәтҗанова яңа суелган хайванның боты янында пычак тотып фотога төшкән.
Ландыш бу көннәрдә Балтач ягында ит сатып алган. Инстачылар блән сөенеч уртаклашырга җыенып, сурәтне инстаграмга куйган.
"Хәерле көннәр! Нууу рәхәтләнәбез икән тәмле әйберләр пешереп, Алла бирса. Балтач ите", дип язган ул әлеге фото янына.
Инстачыларның күбесе җырчының сөенечен уртаклашкан. Кайсы якта ит тәмле булуы турында да фикерләшкәннәр. Манты, пилмәннәр турында да тәмләп язышканнар.
Тик Ландышның пычак тотып чи ит янында төшкән фотосын тәнкыйтьләүчеләр дә табылган. "Коточкыч фото", "Сәер фото", "Карашың бик ерткыч, син беркайчан да вегетарианка була алмассың", "начар фото", дип язганнар.
