Аш-су блогеры Рәмзия Вәлиева социаль челтәрдәге сәхифәсендә «бик тәмле пирог» рецепты белән уртаклашкан.
Камыр өчен: 170 грамм атланмай, 80 грамм шикәр комы, 2 йомырка, 1 кап көпшәкләндергеч, 1 аш кашыгы каймак, 400-450 грамм он. Барлык ингредиентларны кушып камыр басарга һәм 15 минутка суыткычка куярга.
Эчлек өчен 400 грамм 5 процентлы эремчек, 0,5 стакан шикәр комы, 150 грамм 20 процентлы каймак, 2 йомырка, 1 аш кашыгы крахмал, ванилин кирәк. Барсын бергә кушып блендер белән болгатырга.
Аннары 350 грамм караҗиләк (черника), 0,5 стакан шикәр комы, 1 аш кашыгы крахмал, 60 мл суны бергә болгатып газга куярга. Әзер булгач суытырга һәм пирог өстенә тигезләп салырга.
«Бик тәмле була», – дип яза хуҗабикә.