Башкортстанның Караидел районында юл һәлакәтендә 2 бала үлгән. Бу турыда Башкортстан буенча Гадәттән тыш хәлләр министрлыгы телеграм-каналында хәбәр ителә.
16 мартта кич белән Бөре-Тастүбә-Саткы юлының 134нче километрында «Lada Granta» һәм «Nissan Tiida» машиналары бәрелешә.
Урынга Россия Гадәттән тыш хәлләр министрлыгы, ЮХИДИ һәм «ашыгыч ярдәм» хезмәткәрләре килә.
Кызганычка, 2018 елда туган малай һәм 2021 елда туган кыз балалар һәлак була.
1997 елда туган хатын-кызны һәм 2024 елда туган баланы табибларга тапшыралар. Аларны Караидел районы хастаханәсенә алып киткәннәр.
Авария сәбәпләре ачыклана, диелә хәбәрдә.
