"Кара принц" торты (рецепт)
Питрәч районы Ленино-Кокушкино авылында яшәүче Ләйлә Гайфуллинадан “Кара принц” торты рецептын тәкъдим итәбез
Камыр өчен: 1 йомырка, 1 стакан шикәр комы, 2-3 чәй кашыгы какао, 1 стакан кефир, 1 чәй кашыгы сода, 1 стакан он.
Крем өчен: 200 грамм атланмай, 0,5 стакан шикәр комы, 250 грамм каймак. Майны шикәр белән болгатырга, каймак өстәргә һәм тугларга.
Эш тәртибе: йомырка белән шикәр комын күбекләнеп куерганчы тугларга, кефир һәм сода өстәп янә тугларга. Аннары он өстәргә, камыр куе каймак кебек булырга тиеш. Майлаган табага салырга һәм 180 градуска кадәр кызган мичтә пешерергә. Коржга шырпы тыгып карап әзерлеген тикшерергә, суытырга һәм икегә бүлеп крем сыларга, өстенә чикләвек сибәргә.
Чәйләрегез тәмле булсын!