Җырчы Дилә Нигъмәтуллина социаль челтәрдәге сәхифәсендә кыска гына бер видео урнаштырган.
Ул анда кара ялтыравыклы, чуклы-чуклы күлмәктән төрле хәрәкәтләр ясаган һәм шул видео астында иң шәп комментарий калдыручыга акчалата күчтәнәч (500 сум) вәгъдә иткән.
Җырчының сылу гәүдәсенә, яңа образына сокланып, әллә күчтәнәчкә өметләнеп, җылы комментарийлар язучылар шактый күп булган. «Я ворона» җырындагы кебек, бик матур», «Буй-сыныгыз искиткеч, макияж да, күлмәгегез дә килешеп тора», «Кара пантера», «Патшабикә», «Матурлык эталоны», «Ялкын», – дип язганнар Диләгә.
Ә сезгә Дилә Нигъмәтуллинаның әлеге образы ничек, ошыймы?