Кара диңгездә ял иткәндә юкка чыккан Татарстан хатыны табылды

Диңгезгә ял итәргә килгән хатын, әйберләрен пляжда калдырып, башка шәһәрдә яшәүче дусты янына китеп барган.

Новороссийск шәһәрендә югалган Чаллы хатыны исән килеш табылган. Бу хакта «Наша газета» басмасы хәбәр итә.

21 сентябрьдә Новороссийск шәһәрендә Кара диңгез буендагы Цемесская бухтасында кичке сигез тулганда хатын-кыз әйберләре табылган. Аларның Яр Чаллыдан ял итәргә килгән 39 яшьлек хатын-кызныкы икәнен ачыклаганнар.

Оператив хезмәткәрләр югалган хатынны эзләгән. Яр буен караганнар һәм су астын тикшерү өчен водолазлар җәлеп иткәннәр. Ләкин хатын-кыз табылмаган.

Берничә көн узгач, хатын-кыз табылган. Новроссийск шәһәренең «Наша газета» басмасы хәбәр иткәнчә, хатын-кыз башка шәһәрдә яшәүче дусты янына пляждан гына китеп барган. Әйберләрен исә яр буенда онытып калдырган. Такси чакырган һәм китеп барган. Бу көннәрдә үзен эзлиләр дип уйлап та карамаган, диелгән әлеге хәбәрдә.

Комментарийлар (0)