Татарстанның кайбер трассаларында, кар яву сәбәпле, автобуслар һәм йөк машиналары хәрәкәтенә чикләүләр кертелде.
Татарстан Дәүләт автоинспекциясе хәбәр иткәнчә, чикләүләр Р-239 трассасының Чистайдан Әлмәткә кадәрге өлешендә, шулай ук Алексеевск – Әлмәт юлының Әлмәт районы аша узучы өлешендә гамәлдә.
Республика халкына, ашыгыч кирәк булмаса, торак пунктлардан чыкмаска, мөмкинлек булганда шәхси транспорттан файдаланмый торырга киңәш ителә.
Гадәттән тыш хәлләр килеп чыккан очракта, ярдәм сорап 8(843)5333888 телефоны буенча мөрәҗәгать итәргә мөмкин.
Һава торышы яхшыргач, кертелгән чикләүләр гамәлдән чыгарылачак, диелә хәбәрдә.