Каннибал: Ленинград өлкәсендәне ир, иптәшен үтереп, итеннән аш пешермәкче булган

Ленинград өлкәсендә яшәүче ир-ат иптәшен үтергән һәм аның итеннән аш пешермәкче булган.

Ленинград өлкәсенең Мичуринск бистәсендә яшәүче 54 яшьлек ир-ат кунакка килгән танышын үтергән. Ирләр бергәләп эчә, соңыннан талашып китәләр. Нәтиҗәдә, фатир хуҗасы шешәдәшенә пычак кадый, шуннан соң аның гәүдәсен тураклый башлый.

Бу хәлләргә җинаятьче ирнең туганы күрә һәм полиция чакырта, дип яза «Вечерняя Москва» сайты.

Полиция килгәндә, ирнең мәете кухня идәнендә була. Аның җилкә өлешендә куллары киселгән була, ә иңбаш сөякләрен суыткычта табалар. Плитәгә куелган кәстрүлдәге ашта бәрәңге һәм кеше ите була.

Фотода – үтерелгән кеше.