Канда холестерин күләме күп булуын ничек белергә?
Холестерин күләме югары булганда йөрәк-кан тамырлары авырулары, кан тамырларының тыгылу куркынычы арта.
Аяк тырнаклары акрын үсү кандагы холестерин күләме бик нык артуны аңлата. Бу хакта Mayo Clinic клиникасына сылтама белән РИА Новости яза.
Холестерин кушылмалары кан тамырларын тарайта һәм кан әйләнешен чикли, шуңа күрә ниндидер актив эштән соң авыру кешенең балтыр мускулларын көзән җыерырга мөмкин.
Артерияләр белән проблемалар булганда аяклар оерга да мөмкин. Авыру кешеләрнең балтырлары, табаннары еш өши, шулай ук чәчләре коела.
Холестерин күләме югары булганда йөрәк-кан тамырлары авырулары, кан тамырларының тыгылу куркынычы арта. Бу инсульт һәм йөрәк өянәге китереп чыгарырга мөмкин.
Мондый өзлегүләр булмасын өчен актив тормыш рәвеше алып барырга, составында туендырылмаган майлар булган ризыкларны күбрәк ашарга киңәш итә табиблар.