Канализация чокырына төшеп үлгән бала өчен башкарма комитет җитәкчесе җавап бирәчәк
Тәтештә 22 февральдә куркыныч фаҗига булды. 10 яшьлек малай, мәктәптән кайтканда, ташландык урыннан уза һәм шундагы ачык канализация чокырына төшеп китеп һәлак була.
Бу фаҗига өчен район башкарма комитетының җитәкчесе – хәзер инде элекке җитәкчесе, 51 яшьлек ир җавап бирәчәк. Ул бала үлеменә китергән битарафлыкта (Җинаять кодексының 293нче маддәсе) гаепләнә.
Тикшерү фаразы буенча, түрә 2015 елдан бирле, торак йортлардан 20 метр гына ераклыкта гына элекке чистарту корылмалары булганын, анда люклар ачык икәнен белгән. «Шуңа да карамастан, ул хуҗасыз милекне хисапка алу буенча чаралар күрмәгән, коеларны имин хәлдә тотмаган һәм читтән кеше кермәсен өчен чаралар күрмәгән», – диелә тикшерү комитеты хәбәрендә.
Җинаять эше судка җибәрелгән.